Дар кафедраи анатомияи одами ба номи Я. А. Раҳимов чорабинии тарбиявӣ таҳти унвони “Парчам-ифтихори миллат” баргузор гардид.

          Мудири кафедра номзади илмҳои тиб, дотсент Зокоров Р. Ҳ. Ҳайати профессорону омӯзгорон ва донишҷӯёнро ба муносибати фарорасии Рӯзи Парчами миллӣ табрику муборакбод намуда, ҳадафи гузаронидани чорабинии мазкурро эҳтиром ба арзишҳои миллӣ, муқаддасоти кишвар ва тарбияи худшиносиву худогоҳии миллии насли наврасу ҷавон маънидод карданд.

       Сипас, донишҷӯён барномаи омоданамудаи хешро пешкаши иштирокдорон намуданд. Барнома саршор аз тараннуми Ватан, сулҳу оромӣ, ваҳдату ягонагӣ ва ифтихори ватандорӣ буда, донишҷӯён бо маърӯзаҳои пурмуҳтаво баромад карда шеърҳоро қироат намуданд.

       Таҷлили Рӯзи Парчами миллӣ бо гурӯҳҳои кураторӣ дар кафедра идома меёбад.

Зокиров Р. Ҳ. -мудири кафедраи анатомияи одам ба

номи  Я.А. Раҳимов