• МУҚАРРАРОТИ УМУМӢ

    Сардори шуъба
    • Шуъбаи таҳлил, назорат ва робита бо ҷомеа, дар оянда Шуъба , сохтори таркибии ДДТТ ба номи Абўалӣ ибни Сино буда, фаъолияти он дар асоси «Оиннома»-и Донишгоҳ ва Низомномаи мазкур ба роҳ монда мешавад.
    • Шуъба дар фаъолияти хеш Низомномаи намунавӣ оид ба муассисаи таълимии таҳсилоти олии касбии Ҷумҳурии Тоҷикистон, фармонҳои Вазоратҳои маориф ва тандурустии Ҷумҳурии Тоҷикистон, Ректори Донишгоҳ ва дигар санадҳои меъёрию ҳуқуқии амалкунандаи Ҷумҳурии Тоҷикистон ба роҳбарӣ мегирад.
    • Ба Низомномаи мазкур бо мурури замон ворид сохтани тағйирот ва иловаҳо имконпазир аст.
    • Шуъба танҳо зери итоати бевоситаи ректор қарор дошта, ба он ҳисоботдиҳанда маҳсуб ёфта, сардори он аъзои Раёсат, Шўрои олимон ва аъзои комиссияҳои босалоҳият интихоб мешавад.
  • СОХТОРИ ШУЪБА

    • Бастҳои Шуъба аз ҳисоби шахсоне, ки маълумоти мувофиқро доранд ишғол карда мешаванд.
    • Фаъолияти сардор ва кормандони Шуъба ба таври мушаххас аз рўи дастурамали вазифавӣ амалӣ мегардад.
  • ВАЗИФАҲОИ ШУЪБА

    • Таъмини ҳамоҳангии фаъолияти сохторҳои донишгоҳ вобаста ба масъалаҳои умумидонишгоҳӣ.
    • Таҳлили мунтазами вазъи сохторҳои марбутаи донишгоҳ, муайян намудани роҳҳои самарабахши инкишофи онҳо, ҳалли масъалаҳои муҳими байнисохторӣ, таҳия намудани пешниҳодҳои дахлдор.
    • Таҳлили пайвастаи ҳисоботҳои омории шуъбаҳои сохторӣ бо хулоса ва пешниҳодҳои мушаххас.
    • Таҳлили ҳисоботҳои ҷамъбастии шуъбаҳо бо хулоса ва пешниҳодҳои мушаххас.
    • Назорати мунтазами иҷрои фармону супоришҳои ректори донишгоҳ, қарорҳои Шўрои олимон ва раёсати донишгоҳ, таҳияи гузоришҳо оид ба ин масъалаҳо.
    • Назорати риояи вақти корӣ дар донишгоҳ ва ташкил намудани санҷишҳои муштарак оид ба интизоми меҳнат дар тамоми сохторҳои донишгоҳ .
    • . Ташкили иҷрои нақшаҳои фаъолияти Донишгоҳ, супоришҳои ректори донишгоҳ ба муовинони ректор.
    • Ташкили системаи ягонаи коргузорӣ дар Донишгоҳ.
    • Бо супориши ректор таҳия намудани лоиҳаи санадҳои меёрии ҳуқуқӣ, ки хусусиятӣ фаврӣ доранд.
    • Мувофиқаи муросилоти хизматӣ, мактуб ва муроҷиатҳои шифоии шаҳрвандон, ки ба шуъба ворид шудаанд.
    • Дар сурати саривақт иҷро намудани қарору супоришҳо тартиб додани санади дахлдор ва пешниҳод намудан барои чораандешӣ.
    • Ворид сохтан ва такмил додани пойгоҳи (база) маълумотҳо.
    • Қабул, коркард, қайд, баҳисобгирӣ, нагоҳдорӣ, дастрас ва фиристодани мукотибаҳо (воридотӣ, содиротӣ, дохилӣ), аз ҷумла бо воситаҳои махсуси алоқа расонидашуда.
    • Таъмини гузариши саривақтии ҳуҷҷатҳо ва мукотибаҳои хидматӣ дар сохторҳои донишгоҳ.
    • Тайёр кардан, ороиш додан, нашр, баҳисобгирии фармонҳо ва супоришҳои ректор ва расонидани онҳо то иҷрокунандагон.
    • Тартиб додани феҳрести ягонаи парвандаҳои донишгоҳ.
    • Коркарди қолабҳои ягона, шакл ва тарҳи варақаҳои донишгоҳ.
    • Коркарди дастурамалҳои коргузорӣ ва ворид сохтани онҳо.
    • Тайёр кардан ва баҳисобгирии варақаҳои чопӣ, мўҳрҳо, штампҳо, ворид сохтани воситаҳои электронии нигаҳдорӣ.
    • Иҷроиши корҳои нусхабардорӣ – зиёдкунӣ, садо ва аксбардорӣ.
    • Таъмини дурустӣ ва шафаффияти ҳамаи санадхои ҳуқуқии таҳияшудаи шӯъбаву марказхо ва дигар зерсохторҳои Донишгоҳ.
    • Амалсозии роҳбарии услубӣ оид ба коргузорӣ дар сохторҳои донишгоҳ, назорат аз болои ташкили дурусти нигаҳдорӣ ва супоридани саривақтии ҳуҷҷатҳо ба бойгонӣ.
    • Тартиб додани парвандаҳо ва супоридани онҳо барои нигаҳдорӣ ба бойгонӣ.
    • Таъмини реҷаи мувофиқи дастрасӣ ба ҳуҷҷатҳо ва истифодабарӣ аз маълумотҳои дар онҳо ҷойдошта.
    • Коркард ва амалӣ намудани технологияи гардиши дохилидонишгоҳии беқоғазии ҳуҷҷатҳо.
    • Коркарди чорабиниҳо оид ба ҳифзи маълумотҳои сирри давлатӣ ва хизматӣ дошта.
    • Таъмини истифодабарӣ ва нигаҳдории дурусти мўҳр ва штампи донишгоҳ.
    • Ба таври саҳеҳ ва саривақт маълумотонидани кормандон, донишҷўён ва ҷомеа оид ба самтҳои асосии фаъолияти донишгоҳ.
    • Роҳбарӣ ва амалисозии ҳамкорӣ бо ташкилотҳои давлатӣ, ғайридавлатӣ ва воситаҳои ахбори омма.
    • Ташакулли симои мусбии донишгоҳ, дастгирии баландшавии мавқеи иҷтимоии он дар ҷомеа.
  • САМТИ АСОСИИ ФАЪОЛИЯТИ ШУЪБА

    • Ташкил ва гузаронидани чорабиниҳои умумидонишгоҳӣ: Шўрои олимон, ҷаласаҳои раёсат, маҷлисҳои раёсат оид ба масъалаҳои ҷорӣ.
    • . Назорат ва ҳамоҳанг намудани чорабиниҳои таълимию илмӣ ва тарбиявию фарҳангии донишгоҳӣ
    • . Назорати мунтазами иҷрои фармону супоришҳои ректори донишгоҳ, қарорҳои Шўрои олимон ва раёсати донигоҳ, таҳияи гузоришҳо оид ба масъалаҳои баррасишуда.
    • Ташкили саривақт дида баромадан ва тайёр кардани ҳуҷҷатҳои дохилшуда, назорати дурустии ҳуҷҷатҳои тартибдодашуда ва барои имзо барои роҳбарият пешниҳодшаванда.
    • Танзими рафти иҷроиши ҳуҷҷатҳо, назорати гузариш, тартиб додан ва иҷроиши ҳуҷҷатҳо дар мўҳлатҳои муайяншуда; ҷамъбасти маълумотҳо аз ҷараён ва натиҷаҳои иҷроиши ҳуҷҷатҳо, ахбори пайвастаи роҳбарият вобаста ба масъалаҳои ҷойдошта.
    • Тайёр кардан ва нашри ҳуҷҷатҳои супоришотии донишгоҳ, фармонҳои ректор оид ба фаъолияти асосӣ ва супоришотӣ, расонидани саривақтии ҳуҷҷатҳо ба роҳбарони воҳидҳои сохторӣ.
    • Ташкил ва гузаронидани нишастҳои матбуотӣ, гузоришҳо, таҳлил ва баррасии маводҳои дар ВАО дарҷгардида.
    • . Амалӣ сохтани назорати коркард ва бақайдгирии ҳуҷҷатҳо, корҳои баҳисобгирӣ – маълумотдиҳӣ, баррасии ҳолати коргузорӣ дар воҳидҳои сохторӣ.
    • Ташкил ва назорати кор бо ариза, пешниҳод ва шикояти шаҳрвандон.
  • ИДОРАКУНИИ ШУЪБА

    • Шуъбаро сардор роҳбарӣ мекунад. Сардори шуъба аз тарафи ректори донишгоҳ таъйин ва аз вазифа озод карда мешавад.
    • Сардори шуъба;
      • масъулияти фаъолияти бонизоми шуъбаро ба зима дорад;
      • самтҳои асосии фаъолияти шуъбаро муайян месозад;
      • иҷроиши корҳои ҷорӣ ва банақшагирифташударо роҳбарӣ менамояд;
      • ҳамоҳангсозии коркард, тайёр ва тасдиқ кардани барнома ва нақшаи чорабиниҳои шуъба мебошад;
      • барои ворид сохтан ва истифода бурдани технологияи нав дар шуъба вазифадор аст;
      • дигар масъалаҳои марбут ба фаъолияти шуъбаро баррасӣ менамояд.
    • Шуъба дорои мўҳри мудаввари бенишон буда, он дар ихтиёри мудири шуъба қарор мегирад.


Гузариш ба саҳифаи: