ДАР ҶАВОНИ ДОР ПИРОНРО АЗИЗ..
Бо мақсади иҷрои талаботҳои бандҳои алоҳидаи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» во бо ҳамин ҳадаф дар замири донишҷӯён бедор намудани ҳурмату эҳтиром нисбати волидайн санаи 25- уми феврали соли равон бо ташаббуси шуъбаи тарбия ва дар ҳамкорӣ бо кафедраи фанҳои ҷомеашиносӣ донишҷӯёни курси якуми факултети фармасевтӣ аз муассисаи давлатии «Маркази минтақавии хизмати иҷтимои ба нафақахурон ва маъюбони шаҳри Душанбе» дидан намуда, бо шароити зисти истиқоматкунандагони он аз наздик шинос гардиданд. Новобаста аз шароити хуби маркази номбурда, ки зери таваҷҷӯҳи Раиси шаҳри Душанбе, муҳтарам Рустами Эмомалӣ қарор дорад, донишҷӯён низ ҳамчун қарзи фарзандӣ ба бошандагони ин марказ миқдори муайяни хӯрока дастарс намуданд. Ёдовар мешавем, ки мақсади ташкили ин бозбинӣ ба тарбияи ахлоқии ҷавонон ва эҳироми падару модар аз ҷониби эшон равона гардида буд.
Шуъбаи тарбия
