Дар кишвари мо  23-юми май Рӯзи ҷавонони Тоҷикистон ба таври расмӣ қайд мегардад,  ки ин аз мавқеъ ва мақоми хосса доштани ҷавонон гувоҳӣ медиҳад. Ҳукумати Тоҷикистон ташаббусу пешниҳодҳои созандаи ҷавононро ҳамеша дастгирӣ намуда, барои амалӣ гардидани онҳо имконият фароҳам меорад. Наврасону ҷавонони моро зарур аст, ки ҷавобан ба ин ғамхориҳо тамоми саъю талоши хешро ба донишандӯзӣ интихоби касбу ҳунарҳои муосир, ободиву пешрафти сарзамини  аҷдодӣ, ҳимояи Ватан, рушди техника ва бунёдкорӣ равона созанд.

  Тоҷикистонро кишвари ҷавонон мегӯянд, зеро шумораи бештари аҳолии мамлакатро ҷавонон ташкил мекунад. Тоҷикистон тавассути ҷавонони созандаю ободкори худ рушд мекунад ва солҳои минбаъда ба як давлати мутараққию пешрафтаи ҷаҳон табдил хоҳад ёфт. Ҷавонон тавассути донишу қобилият ва зӯру бозӯи худ Тоҷикистонро ба ҷаҳониён муаррифӣ намуда, парчамбардори меҳан мешаванд.

    Асосгузори сулҳу ваҳдати миллӣ – Пешвои миллат, Призиденти Ҷумҳурии Тоҷикистон муҳтарам Эмомалӣ Раҳмон ба дастгирии ҷавонон ва таъмини онҳо бо ҷойҳои нави корӣ, дар асоси истифодаи технологияҳои иттилоотиву коммуникатсионӣ бо донистани забонҳои хориҷӣ диққати махсус дода, пешниҳодҳои ҷавононро баҳри инкишофи Ватани азизамон доимо дастгирӣ менамоянд ва бунёди шароити мусоиди кору фаъолиятро барои ҷавонон пайваста таъмин месозанд.   Эмомалӣ Раҳмон дар Паёми хеш ба маҷлиси Олии кишвар  ба масъалаи саҳм ва нақши ҷавонон дар ҷомеа таваҷҷуҳи хосса зоҳир намуда, пешниҳод намуданд, ки бо дар назардошти саҳми ҷавонон дар рушди ҷомеа ва иштироки фаъолонаи онҳо дар ҳаёти сиёсиву иқтисодии мамлакат пазироӣ намоянд.  Пешвои миллат Эмомалӣ Раҳмон дар ҳар як суханронии худ таъкид мекунанд, ки созандагиву ободкории миллату давлат дар дасти ҷавонон аст ва ҷавонон ояндаи имрӯзу фардои давлату миллатанд. Ҷавонон бояд сабақҳои  Истиқлолиятро ҳаматарафа омӯзанд, аз сиёсати имрӯз огоҳ бошанд, таърихи гузаштаву ҳозираи халқи худро гаштаву баргашта варақ  зананд ва аз Ватан, миллат, забон ва фарҳанги худ ифтихор намоянд. Ҷавонони тоҷик дар соҳаҳои гуногуни сиёсат, иқтисодиёту иҷтимоиёт, фарҳанг, тандурустиву саноат, хоҷагии халқ соҳиб гаштанд ва обрӯи  Ватани худро дар байни дигар кишварҳои ҷаҳон боло бардоштанд. Ба андешаи мо, агар дар оянда низ ба ин соҳа мароқи бештар зоҳир карда шавад ва сиёсати мавҷуда тақвият ёбад, он метавонад омили рушди солими ҷисмиву рӯҳии наврасону ҷавонон ва сабаби раҳоӣ пайдо кардан аз баъзе бемориҳо дар байни сокинони кишвар гардад.

Кафедраи таълими асосҳои бемориҳои кӯдакона