Пиряхҳо гавҳари табиати кӯҳистон ва манбаи ҳаёт барои миллионҳо одамонанд. Онҳо на танҳо зебоии нотакрори табиатро таҷассум мекунанд, балки сарчашмаи асосии оби тоза низ ҳастанд. Вале мутаассифона, гармшавии глобалӣ боиси коҳиши шадиди пиряхҳо шудааст, ки метавонад ояндаи инсониятро зери хатар гузорад. Суханони Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар бораи ҳифзи пиряхҳо ва ташаббусҳои байналмилалӣ дар ин самт хеле муҳиманд. Дар зер иқтибосҳо аз суханрониҳои Сарвари маҳбуби кишвар оварда шудаанд:

1. Ташаббусҳои байналмилалӣ оид ба ҳифзи пиряхҳо:

Президенти Тоҷикистон, Эмомалӣ Раҳмон, дар суханронии худ дар мубоҳисаҳои 79-уми умумии Маҷмаи умумии Созмони Милали Муттаҳид таъкид намуданд, ки бо ташаббуси Тоҷикистон, аз ҷониби Созмони Милал соли 2025 ҳамчун "Соли байналмилалии ҳифзи пиряхҳо" эълон гардид. Ин иқдом барои рушди ҳамкории тарафҳои манфиатдор заминаи муносиб фароҳам меорад.

2. Таъсири обшавии пиряхҳо ба захираҳои обӣ:

Дар суханронии хеш дар маросими ифтитоҳи Конфронси СММ оид ба шарикии фарогири байналмилалӣ муҳтарам Эмомалӣ Раҳмон қайд карданд, ки обшавии босуръати пиряхҳо, чӣ дар Арктикаву Антарктида ва чӣ дар қитъаҳои дигари сайёра, намунаи возеҳи тағйирёбии иқлим мебошад. Ин раванд ба захираҳои оби ошомиданӣ таъсири манфӣ мерасонад.

3. Эълони "Рӯзи ҷаҳонии пиряхҳо" ва таъсиси Бунёди ҳифзи пиряхҳо:

Дар суханронии худ, Президенти Тоҷикистон зикр карданд, ки "Рӯзи ҷаҳонии пиряхҳо" муайян гардида, дар назди Созмони Милал Бунёди мақсадноки ҳифзи пиряхҳо таъсис дода шудааст. Тоҷикистон, ҳамчун муаллифи қатънома, ҳиссаи худро дар ин Бунёд гузошта, аз ҳамаи шарикон даъват ба амал меорад, ки аз ин иқдом пайравӣ кунанд.

4. Нақши Тоҷикистон дар ҳалли мушкилоти иқлимӣ:

Президенти Ҷумҳурии Тоҷикистон муҳтарам Эмомалӣ Раҳмон дар суханронии худ дар Конфронси 29-уми ҷонибҳои Конвенсияи қолабии Созмони Милали Муттаҳид оид ба тағйироти иқлим таъкид карданд, ки Тоҷикистон талошҳои худро ҷиҳати ҳалли мушкилоти иқлимӣ бамаротиб зиёд менамояд ва ҷомеаи ҷаҳониро ба ҳамкорӣ дар ин самт даъват мекунад. Ин иқтибосҳо нишон медиҳанд, ки Тоҷикистон таҳти роҳбарии Эмомалӣ Раҳмон дар сатҳи байналмилалӣ барои ҳифзи пиряхҳо ва мубориза бо тағйироти иқлим фаъолона саҳм мегузорад.

Зуҳурова П.М.-омӯзгори калони кафедраи физиологияи нормалӣ