Дар арафаи таҷлили соли нави мелодӣ навиди навбатии фархунда вориди Донишгоҳи маҳбуби мо шуд. Аз сани 2 то 9-уми декабри соли ҷорӣ дар МДТБФ “Донишгоҳи давлатии тибби Воронеж ба номи Н.Н. Бурденко”-и Вазорати тандурустии Федератсияи Русия 2-юмин олимпиадаи умумируссиявӣ бо иштироки донишҷӯёни хориҷӣ аз кишварҳои дуру наздик аз фанни фармакология баргузор гардид. Донишгоҳи давлатии тиббии Тоҷикистон ба номи Абуалӣ ибни Синоро дар ин олимпиада 3 даста аз факултетҳои тиббӣ, фармасевтӣ ва педиатрӣ муаррифӣ намуданд. Олимпиада дар 3 давр гузаронида шуда, дастаи “Ворисони Сино”-и Донишгоҳ бо ба даст овардани 28 хол сазовори ҷойи дуюм гардиданд.

                   Раёсат, Иттифоқи касабаи донишҷӯён ва садорати факултетҳо донишҷӯён-аъзоёни дастаи ғолиби “Ворисони Сино”-ро ба ин муносибат табрику муборакбод намуда, дар фаъолияти минбаъдаашон бурдбориҳо таманно менамоянд.