Иқдоми мудири кафедра Ҷонибекова Р.Н. сазовори таҳсин аст-иброз доштанд донишҷӯён зимни таҷрибаомӯзӣ дар кафедраи анатомияи одами ба номи профессор Я. А. Раҳимов. Бо роҳбарӣ ва навоварии ӯ мо ба технологияҳои муосир, ба мисли мизи Пирогов, дастрасӣ пайдо кардем, ки раванди таълимро хеле беҳтар мекунад. Ин шаҳодати талош ба таълими босифат ва рушди илмҳои тиб мебошад.

Ҳамзамон, донишҷӯён ба роҳбарияти Донишгоҳ низ барои фароҳам овардани шароити муосири таҳсил изҳори сипос баён намуданд.

Қобили қайд аст, ки солҳои охир бо талошҳои пайвастаи ректори Донишгоҳ, профессор Гулзода М. Қ. баъзаи моддию техникии таълим рушд ёфта, асбобҳои муосири тиббӣ вориди утоқҳои таълимии Донишгоҳ карда шуданд. Бо қаноатмандӣ иброз бояд кард, ки имрӯз дар Донишгоҳ барои дар амал татбиқ намудани донишҳои андӯхташуда имкониятҳои васеъ мавҷуданд, ки боиси рушди малакаю маҳорати касбии табибони оянда мегарданд.