Сифати таҳсилот ин қобилияти амалӣ намудани хизматрасониҳои таълимӣ ва бадастории сатҳи маърифатнокии таълимгирандагон аст, ки ба талаботи истифодабарандагони натиҷаи таълим ҷавобгў мебошад. Идоракунии сифати таҳсилот бошад, ин таҳия ва татбиқи маҷмўи чорабиниҳоест, ки имконият фароҳам меоварад, то ба таври самаранок хизматрасониҳои таълимӣ ба чунин сатҳи сифатнокие расонида шаванд, ки мувофиқати натиҷаҳои таҳсилотро ба талаботи истифодабарандагони он таъмин созад. Аз ин лиҳоз ҳафтаи сипаргашта бахши сифати таҳсилот ва рушди омўзгор барои муайян намудани сатҳи сифати дарсазхудкунии донишҷўён дар байни донишҷўёни курсҳои се, чор ва панҷуми факултети стоматологӣ анкетаронӣ  гузарониданд.